Klopp “Real” marağına cavab verdi: “İndi “yox” deyərdim, amma “heç vaxt” demərəm”
“Liverpul”un sabiq baş məşqçisi Yurgen Klopp Madrid “Real”ı ilə bağlı yayılan iddialara münasibət bildirib.
Sport1.az xəbər verir ki, “Red Bull” qrupunda futbol əməliyyatları direktoru vəzifəsində çalışan alman mütəxəssis Xabi Alonsonun “Real”dakı postundan ayrılmasından sonra gündəmə gələn söz-söhbətlərə toxunub. Klopp hazırda məşqçiliyə qayıtmağı planlaşdırmadığını, amma gələcək üçün bu ehtimalı da tam istisna etmədiyini deyib:
“İndi cavabım “yox” olar, amma “heç vaxt” deyə bilmərəm. Fikirlərimi dəyişəcəyimi düşünmürəm, amma bilmirəm”.
O, hazırkı işindən razı qaldığını da vurğulayıb:
“Mən elə bir yerdəyəm ki, vəziyyətimdən tam razıyam. Başqa yerdə olmaq istəmirəm”.
Qeyd edək ki, 58 yaşlı Klopp 2024-cü ildə “Liverpul”dan ayrıldıqdan sonra baş məşqçi kimi çalışmır. O, daha əvvəl Dortmund “Borussiya”sına və “Maynts”a rəhbərlik edib
