Flik gənc futbolçunu “Barselona”nın əsas komandasından kənarlaşdırdı

“Barselona”nın baş məşqçisi Hans-Diter Flikin 18 yaşlı yarımmüdafiəçi Pedro Fernandesi əsas komanda ilə məşq etməyə buraxmayıb.

Sport1.az xəbər verir ki, bu barədə “Sport.es” nəşri məlumat yayıb. Katalon klubunun kapitanları bu məsələ ilə bağlı Fliklə danışıq aparıblar və bundan sonra gənc oyunçu “Barselona”nın məşq bazasında fərdi şəkildə çalışacaq.

Bundan əvvəl Pedro Fernandesin PSJ-nin maraq dairəsində olduğu və proseslə parislilərin baş məşqçisi Luis Enrikenin şəxsən məşğul olduğu iddia edilmişdi.

Məlumata görə, Fransa nəhəngi yaxın vaxtlarda 6 milyon avroluq satınalma bəndini aktivləşdirərək futbolçunu heyətinə qatmağı planlaşdırır.