“Qırmızı şeytanlar”ın gözü “Brayton”un futbolçusundadır
“Mançester Yunayted” 2026-cı il üçün transfer planlarını formalaşdırmağa başlayıb.
Sport1.az xəbər verir ki, İngiltərə nəhəngi ötən ilin yayından etibarən “Brayton”un dayaq yarımmüdafiəçisi Karlos Baleba ilə bağlı tərəflərlə əlaqə saxlayır. Bu barədə tanınmış insayder Fabritsio Romano sosial şəbəkə hesabında məlumat paylaşıb.
Mançester təmsilçisi kamerunlu futbolçunu 2026-cı il üçün əsas hədəflərdən biri kimi dəyərləndirir. Bununla belə, cari ay ərzində klub nə yeni rəsmi təklif irəli sürüb, nə də birbaşa danışıqlara başlayıb. “Brayton” rəhbərliyi isə Balebanı ən azı bu mövsüm heyətində saxlamaq niyyətindədir.
Qeyd edək ki, yarımmüdafiəçi 2023-cü ilin avqustunda Fransanın “Lill” klubundan 27 milyon avro qarşılığında Premyer Liqa təmsilçisinə transfer olunub. Onun hazırkı klubu ilə müqaviləsi 2028-ci ilin iyununa qədər qüvvədədir.
