“Real” onunla müqaviləni uzadır

“Real” yarımmüdafiəçisi Brahim Diasla müqaviləni uzadacaq.

Sport1.az xəbər verir ki, bu barədə “Cadena SER”in jurnalisti Anton Meana məlumat yayıb. Madrid klubu 26 yaşlı futbolçu ilə yeni sözləşmə barədə razılıq əldə edib.

Tərəflər arasında imzalanacaq müqavilə 2030-cu ilin yayına qədər nəzərdə tutulub. Razılaşmanın mövsümün sonuna qədər rəsmi şəkildə açıqlanacağı bildirilir. Yeni kontraktda futbolçunun maaşında cüzi artım, bonuslar və oyun vaxtının artırılması ilə bağlı maddələr yer alacaq. Brahim Diasın hazırkı müqaviləsi isə 2027-ci ilin yayında başa çatır.

Qeyd edək ki, mərakeşli yarımmüdafiəçi bu mövsüm “Real”ın heyətində bütün turnirlər üzrə 22 oyunda meydana çıxıb, 1 qol vurub və 3 məhsuldar ötürmə ilə yadda qalıb.