“Bavariya” 2025-də Avropanın lider klubu oldu

“Bavariya” 2025-ci ildə vurulan qolların sayına görə Avropanın aparıcı beş liqasında liderdir.

Sport1.az xəbər verir ki, “Opta”nın yaydığı statistikaya əsasən, Münhen klubu cari təqvim ili ərzində Bundesliqada 107 qol vurub. Bu göstərici İngiltərə, İspaniya, İtaliya, Fransa və Almaniyanı əhatə edən TOP-5 liqa üzrə ən yüksək nəticədir.

Öncəki mütləq rekord da “Bavariya”ya məxsusdur. Almaniya nəhəngi 2021-ci ildə Bundesliqada 116 dəfə fərqlənərək tarixi göstərici qeydə almışdı.

Qeyd edək ki, hazırda 15 turdan sonra “Bavariya” Almaniya çempionatında 41 xalla turnir cədvəlinin zirvəsində qərarlaşıb. Komanda ən yaxın izləyicisi Dortmund “Borussiya”sını 9 xal qabaqlayır.