“Real” Portuqaliya millisinin üzvünü pulsuz heyətinə qata bilər
“Real Madrid”in yay planlarında əsas fiqurlardan biri Ruben Neveşdir.
Sport1.az xəbər verir ki, AS nəşrinin məlumatına görə, “kral klubu” qış “transfer pəncərəsi”ndə orta xətti gücləndirməyi düşünmür və diqqətini mövsümün sonuna yönəldib. Bu kontekstdə portuqaliyalı yarımmüdafiəçi Madrid təmsilçisinin radarında olan əsas adlardan biri kimi göstərilir.
Hazırda Səudiyyə Ərəbistanının “Əl-Hilal” klubunun formasını geyinən 28 yaşlı futbolçunun müqaviləsi 2026-cı ilin yayına qədər qüvvədədir. Ər-Riyad təmsilçisi qış aylarında 15–20 milyon avro civarında təklif alacağı halda oyunçunun satışına açıq ola bilər.
Qeyd edək ki, Neveş 2023-cü ilin yayından “Əl-Hilal”da çıxış edir. Cari mövsümdə bütün turnirlər üzrə 16 matçda meydana çıxan yarımmüdafiəçi 5 qol və 1 məhsuldar ötürmə ilə yadda qalıb. Onun hazırkı bazar dəyəri 25 milyon avro olaraq qiymətləndirilir.
