“Real” Sebalyos üçün mümkün əvəzləyicini müəyyənləşdirdi
“Real Madrid” orta xəttini gücləndirmək üçün yeni variant üzərində düşünür.
Sport1.az xəbər verir ki, “kral klubu” 19 yaşlı yarımmüdafiəçi Kes Smitlə yaxından maraqlanır. Məlumata görə, Niderlandın “AZ Alkmaar” təmsilçisi gənc oyunçunu qış “transfer pəncərəsi”ndə buraxmaq niyyətində deyil və onun mümkün satışından təxminən 60 milyon avro gəlir əldə etməyi planlaşdırır.
Bildirilir ki, madridlilər futbolçunu Dani Sebalyosun alternativi kimi nəzərdən keçirirlər. Yay aylarında da gündəmdə olan bu variant hazırda yenidən aktuallaşıb. Qeyd olunur ki, istedadlı yarımmüdafiəçi ilə yanaşı “Barselona”, “Mançester Yunayted”, “Nyukasl” və Dortmund “Borussiya”sı da maraqlanır.
Cari mövsümdə gənc niderlandlı bütün turnirlər üzrə 27 oyunda forma geyinib, 2 qol vurub və 5 məhsuldar ötürmə ilə yadda qalıb. Onun “AZ Alkmaar”la müqaviləsi 2028-ci ilin yayına qədər qüvvədədir.
