“Real”a keçməzdən əvvəl iki dəfə düşünməlisən – Leböfün Palmer barədə fikirləri

Fransa millisinin sabiq üzvü Frank Leböf “Çelsi”nin yarımmüdafiəçisi Koul Palmerin gələcəyi və mümkün “Real Madrid” variantı ilə bağlı fikirlərini bölüşüb.

Sport1.az xəbər verir ki, Leböf ingilis futbolçunun karyera seçiminin risklər daşıdığını bildirib: “Koul Palmer doğrudanmı “Real Madrid”ə getmək istəyir? Orada hansı mövqedə oynayacaq? Heyətdə Cud Bellinqem və başqa güclü futbolçular var. Doğru qərar vermək lazımdır, hər şeyi yaxşı düşünmək gərəkdir. Bəli, dünyanın ən böyük klublarından birində çıxış etmək cazibədar görünə bilər, amma əsas məsələ meydanda olmaqdır, ehtiyat skamyasında oturmaq yox. Bunun mənası yoxdur”.

Leböf əlavə edib ki, Madrid təmsilçisi hazırda əvvəlki gücündə deyil: “Şöhrət baxımından “Real” daha cəlbedici görünə bilər. Amma indiki mərhələdə onların göstərdiyi futbol ən yüksək səviyyə deyil. Bu, daha çox tarixlə bağlıdır, indiki performansla yox”.

Qeyd edək ki, 23 yaşlı Koul Palmer cari Premyer Liqa mövsümündə “Çelsi”nin heyətində 7 oyunda 2 qol vurub. O, Çempionlar Liqasında isə meydana çıxdığı 1 matçda 1 dəfə fərqlənib.