Ter Ştegenin gələcəyi sual altındadır

“Barselona”nın qapıçısı Mark-Andre ter Ştegenin mövsümün sonuna qədər icarəyə verilməsi gündəmdədir.

Sport1.az xəbər verir ki, alman qolkiperlə “Jirona” və “Aston Villa” yaxından maraqlanır.

Məlumata görə, təcrübəli qapıçı oyun praktikasını artırmaq üçün müvəqqəti ayrılığa müsbət yanaşır. Onun əsas məqsədi 2026-cı il Dünya Çempionatı ərəfəsində Almaniya millisində əsas yerini möhkəmləndirməkdir.

Bildirilir ki, ter Ştegen kataloniya təmsilçisində qalacağı təqdirdə yığmanın baş məşqçisi Yulian Naqelsmann tərəfindən dəvət almayacaq.

Qeyd edək ki, mövsümün ilk hissəsində bel nahiyəsindən aldığı zədə səbəbindən bərpa prosesi keçən qapıçı meydana qayıtdıqdan sonra İspaniya Kubokunda bir oyunda forma geyinib.