Vernidubun köhnə tanışı “Neftçi”nin transfer siyahısında

“Neftçi” qış transfer dövrü üçün axtarışlarını davam etdirir.

Sport1.az xəbər verir ki, paytaxt klubu Ukraynanın “Polesye” komandasında çıxış edən Danilo Beskorovaynını transfer siyahısına daxil edib. Ukrayna mediasının məlumatına görə, Jitomir təmsilçisi 26 yaşlı mərkəz müdafiəçisi ilə bağlı təklifləri dəyərləndirməyə hazırdır.

Buna səbəb futbolçunun cari mövsümdə zədələr səbəbindən stabil forma geyinə bilməməsidir. Beskorovaynı mövsüm ərzində cəmi 4 oyunda meydana çıxıb və klub bu vəziyyəti nəzərə alaraq mümkün variantları gözdən keçirir.

Məsələnin maraqlı tərəfi odur ki, “Neftçi”nin baş məşqçisi Yuri Vernidub ukraynalı müdafiəçini yaxşı tanıyır. Təcrübəli mütəxəssis daha əvvəl 194 sm boya malik futbolçu ilə “Krivbas”da birgə çalışıb və onun oyun keyfiyyətlərinə yaxından bələddir.

Qeyd olunur ki, bu faktor Beskorovaynının “ağ-qaralar”ın transfer planlarında önə çıxmasında əsas məqamlardan biri kimi qiymətləndirilir.