Reşford gələcəyi ilə bağlı planlarını açıqladı
“Barselona”nın hücumçusu Markus Reşford gələcəyi ilə bağlı açıqlama verib.
Sport1.az xəbər verir ki, “Mançester Yunayted”dən icarəyə götürülən ingilis forvard Kataloniya klubunda qalmaq istədiyini açıq şəkildə ifadə edib.
Reşford bildirib ki, onun əsas hədəfi “Barselona”da yoluna davam etməkdir:
“Gələcəyim? Mən “Barselona”da qalmaq istəyirəm. Bu, mənim məqsədimdir. Amma məni daha çox çalışmağa vadar edən əsas səbəb bu deyil. Əsas məqsəd qələbələr qazanmaqdır. “Barselona” titullar üçün yaradılmış böyük və möhtəşəm klubdur”.
Qeyd edək ki, “Barselona” Markus Reşfordu 2025-ci ilin yayında “Mançester Yunayted”dən icarə əsasında heyətinə qatıb. 2025/26 mövsümündə 28 yaşlı hücumçu bütün turnirlər üzrə 24 oyunda meydana çıxıb, 7 qol vurub və 11 məhsuldar ötürmə edib.
