“Bavariya” Almaniya çempionatında bənzəri olmayan nailiyyətə çatdı

“Bavariya” Almaniya Bundesliqasında tarixi göstəriciyə imza atıb.

Sport1.az xəbər verir ki, Münhen təmsilçisi 15-ci turda “Haydenhaym”ı 4:0 hesabı ilə məğlub etdikdən sonra turnir cədvəlinin ilk pilləsində qalmağı bacarıb. Bununla da Vensan Kompaninin komandası Bundesliqa tarixində bütün bir təqvim ili ərzində lider mövqeni qoruyan ilk klub olub.

Məlumata görə, “Bavariya” 2025-ci il ərzində keçirilən bütün 34 turdan sonra turnir cədvəlinə başçılıq edib. Komanda ötən mövsümün – 2024/2025 mövsümünün yekununda da Bundesliqa çempionu olub.

Hazırda Münhen klubunun aktivində 41 xal var. “Bavariya” növbəti turda, yanvarın 11-də doğma meydanda “Volfsburq”u qəbul edəcək.