Tyaqo Silva “Fluminense” ilə yollarını ayırdı

Braziliyanın “Fluminense” klubu müdafiəçi Tyaqo Silva ilə yollarını ayırıb.

Sport1.az xəbər verir ki, tərəflər arasında mövcud olan müqavilə dekabrın 16-da qarşılıqlı razılaşma əsasında ləğv edilib. Bu barədə Rio-de-Janeyro təmsilçisi rəsmi açıqlama yayıb.

Tyaqo Silva futbolçu karyerasına məhz “Fluminense”nin akademiyasında başlayıb və iki fərqli dövrdə əsas komandada çıxış edib. Təcrübəli müdafiəçi klubun heyətində ümumilikdə 185 oyuna çıxıb, 18 qol vurub və 5 məhsuldar ötürmə ilə yadda qalıb.

Xatırladaq ki, daha əvvəl 41 yaşlı futbolçunun Avropaya qayıtmaq və karyerasını orada davam etdirmək istədiyi barədə məlumatlar yayılmışdı.