"İmişli"nin üzvü qayğılıdır: "Hər xal bizim üçün həyati əhəmiyyət daşıyır" – MÜSAHİBƏ
Misli Premyer Liqasının 15-ci turunda "İmişli" "Karvan-Yevlax"la qarşılaşdı - 1:1.
Qarşılaşmadan sonra "pambıqçılar"ın üzvü İdris İnqilablı Sport1.az-a müsahibə verdi...
- Stadionun durumu və hava şəraiti oyuna necə təsir etdi?
- Ot örtüyü və yağış matça effektiv olmağımıza mane oldu. Belə havada hücum qurmaq çətindir. Komandamız meydana çıxaraq maksimumunu göstərdi.
- Hücumda yer alan futbolçuların performası haqda nə deyə bilərsən?
- Kifayət qədər yaxşı idik. Qol vurduq, imkanlarımız oldu. Onları dəyərləndirə bilmədik. Bunlar üzərində işləməliyik.
- Buraxılan qol zamanı nə baş verdi?
- Müdaxilə etməyə gecikdik. Rəqib fürsəti yaxşı dəyərləndirdi. Bu cür hava şəraitində müdafiə olunan zaman konsentrasiya itir. Təəssüf ki, bu da bizə baha başa gəldi.
- Oyundan sonra soyunub-geyinmə otağında əhval necə idi?
- Pis deyildi. Mübarizə apardıq, hamı əlindən gələni etdi. Əlbəttə ki, qalib gəlmək istəyirdik, amma heç-heçə də nəticədir. Komanda içində birlik var, bir-birimizə inanırıq. Bu da gələcək oyunlar üçün bizə güc verir.
- İlin son oyununda "Zirə" ilə qarşılaşacaqsınız. Görüş haqda nə söyləyə bilərsiniz?
- Hazırda vəziyyət çox da ürəkaçan deyil, amma düşünürəm ki, 70 faiz işimizi həll etmişik. Qalan oyunlarda maksimum nəticə qazanmağa çalışacağıq. Hər xal bizim üçün həyati əhəmiyyət daşıyır.
MƏHƏMMƏD HÜSEYNOV
