Kyeza milliyə dəvəti niyə qəbul etməyib?

“Liverpul”un hücumçusu Federiko Kyeza bu ay İtaliya millisinin oyunlarında iştirak etməyəcək.

Sport1.az xəbər verir ki, futbolçu fiziki hazır olmadığını əsas gətirərək baş məşqçi Cennaro Qattuzonun çağırışını qəbul etməyib.

Qattuzo mətbuata açıqlamasında vurğulayıb ki, Kyeza bu fasilədən istifadə edərək bərpa olunacaq və onun vəziyyəti komandada diqqətlə izlənilir.

Qeyd edək ki, Kyeza bu mövsüm 6 matçda meydana çıxaraq, 2 qol vurub və 2 məhsuldar ötürmə ilə yadda qalıb.

İtaliya millisi bu ay 2026-cı il dünya çempionatının seçmə mərhələsi çərçivəsində Estoniya və İsrail yığmalarına qarşı oyun keçirəcək.

Xatırladaq ki, “Liverpul” UEFA Çempionlar Liqasında “Qarabağ”la eyni qrupda mübarizə aparır.