I Liqa / Manşet
16:33
14.04.2025
1 071
Azərbaycanda daha bir peşəkar klub fəaliyyətini dayandıra bilər - MÜSAHİBƏ
I Liqada çempionatın bitməsinə 6 tur qalıb.
Hazırda “Qaradağ Lökbatan” 16 xalla turnir cədvəlinin dibindədir. Komanda son 5 oyunda heç-heçə edib.
Bakı təmsilçisinin hazırkı vəziyyəti ilə bağlı klubun direktoru Həsənov Bəbir Sport1.az-a müsahibə verdi...
- Hazırda turnir cədvəlinin zirzəmisindəsiniz. Sizcə, bu vəziyyətdən çıxa biləcəksiz?
- Təəssüflər olsun ki, “qara zolaq”dayıq. Sonuncu pillədə qərarlaşmağı istəməzdik. Buna baxmayaraq komandamız meydanda əzmlə mübarizə aparır. I Liqada qalmaq üçün son tura kimi döyüşəcəyik.
- Son turda doğma divarlar arasında “Mingəçevir”lə heç-heçə etdiz. Baş məşqçiniz Amit Quluzadə hakimlikdən gileyləndi və lehinizə haqlı penaltinin verilməməsini qabartdı. Bu barədə nə deyərdiz?
- Əlbəttə ki, həmin epizoda bir neçə dəfə baxdıq və 11 metrlik cərimə zərbəsi təyin edilməliydi. Bu barədə AFFA-ya da rəsmi şikayətimizi etmişik. Tək “Mingəçevir” ilə oyunda deyil, bir neçə dəfə bu cür penaltilərimiz verilməyib.
- Hakimlər sizə qarşı qərəzlidir, yoxsa peşəkarlıq istənilən səviyyədə deyil?
- İnanmıram ki, referilər bizə qarşı qərəzlilik etsin. Amma hakim idarəçiliyinin peşəkarlıq səviyyəsində nöqsanlar var. Odur ki, I Liqada da VAR sisteminin tətbiq olunması yaxşı olardı. Nəticədə hamımız rahat olardıq.
- Şər deməsən, xeyir gəlməz. Biliril ki, əsas istəyiniz çempionatda qalmaqdır. Məqsədinizə nail olmayıb, II Liqaya yuvarlansanız, planlarınız necə olacaq?
- İnanmıram ki, klub olaraq aşağı liqada mübarizə aparaq. Təbii ki, bu barədə son qərarı hər şey bəlli olandan sonra rəhbərliyimiz açıqlayacaq.
- Yəni, klub olaraq fəaliyyətiniz dayandıra bilərsiniz?
- Bəli! Bu hal da istisna deyil.
Hazırda “Qaradağ Lökbatan” 16 xalla turnir cədvəlinin dibindədir. Komanda son 5 oyunda heç-heçə edib.
Bakı təmsilçisinin hazırkı vəziyyəti ilə bağlı klubun direktoru Həsənov Bəbir Sport1.az-a müsahibə verdi...
- Hazırda turnir cədvəlinin zirzəmisindəsiniz. Sizcə, bu vəziyyətdən çıxa biləcəksiz?
- Təəssüflər olsun ki, “qara zolaq”dayıq. Sonuncu pillədə qərarlaşmağı istəməzdik. Buna baxmayaraq komandamız meydanda əzmlə mübarizə aparır. I Liqada qalmaq üçün son tura kimi döyüşəcəyik.
- Son turda doğma divarlar arasında “Mingəçevir”lə heç-heçə etdiz. Baş məşqçiniz Amit Quluzadə hakimlikdən gileyləndi və lehinizə haqlı penaltinin verilməməsini qabartdı. Bu barədə nə deyərdiz?
- Əlbəttə ki, həmin epizoda bir neçə dəfə baxdıq və 11 metrlik cərimə zərbəsi təyin edilməliydi. Bu barədə AFFA-ya da rəsmi şikayətimizi etmişik. Tək “Mingəçevir” ilə oyunda deyil, bir neçə dəfə bu cür penaltilərimiz verilməyib.
- Hakimlər sizə qarşı qərəzlidir, yoxsa peşəkarlıq istənilən səviyyədə deyil?
- İnanmıram ki, referilər bizə qarşı qərəzlilik etsin. Amma hakim idarəçiliyinin peşəkarlıq səviyyəsində nöqsanlar var. Odur ki, I Liqada da VAR sisteminin tətbiq olunması yaxşı olardı. Nəticədə hamımız rahat olardıq.
- Şər deməsən, xeyir gəlməz. Biliril ki, əsas istəyiniz çempionatda qalmaqdır. Məqsədinizə nail olmayıb, II Liqaya yuvarlansanız, planlarınız necə olacaq?
- İnanmıram ki, klub olaraq aşağı liqada mübarizə aparaq. Təbii ki, bu barədə son qərarı hər şey bəlli olandan sonra rəhbərliyimiz açıqlayacaq.
- Yəni, klub olaraq fəaliyyətiniz dayandıra bilərsiniz?
- Bəli! Bu hal da istisna deyil.
XƏBƏR LENTİ
© 2025 Sport1.az Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.