“Mançester Siti”nin neçə xalı silinəcək?
“Mançester Siti”ni ciddi sanksiya gözləyə bilər.
Sport1.az xarici mətbuata istinadən xəbər verir ki, klubun maliyyə fəaliyyəti ilə bağlı aparılan araşdırmalar yekun mərhələyə çatıb. Bildirilir ki, ümumilikdə 115 qayda pozuntusu iddiası üzrə materiallar nəzərdən keçirilib. Komissiyanın araşdırmanı hələ 2024-cü ilin sonunda başa çatdırdığı, lakin yekun qərarın hələ açıqlanmadığı qeyd olunur.
Son günlər mövzunun yenidən gündəmə gəlməsi qərarın yaxın vaxtlarda elan olunacağı ilə bağlı ehtimalları artırıb. İddialar təsdiqlənərsə, “şəhərlilər” yeni mövsümə 40-60 xal itkisi ilə başlaya bilər.
Belə bir qərar qüvvəyə minərsə, komandanın Premyer Liqada mövqeyi ciddi şəkildə sarsıla və hətta aşağı liqaya düşməmək uğrunda mübarizə aparmaq məcburiyyətində qala bilər.
