“Liverpul” Konateyə əvəzedici tapdı

“Liverpul” “Milan”ın müdafiəçisi Fikayo Tomorini transfer siyahısına daxil edib.

Sport1.az xəbər verir ki, bu barədə Sports Boom məlumat yayıb. Mersisayd təmsilçisi yayda müqaviləsi başa çatacaq İbrahima Konatenin mümkün ayrılığı fonunda 28 yaşlı futbolçunu əvəzləyici kimi görür.

Tomori yenidən İngiltərə Premyer Liqasında çıxış etməyə müsbət yanaşır. Müdafiəçi bu addımı atacağı halda milli komandaya qayıtmaq şanslarını artıracağını düşünür.

Tomori 2021-ci ilin yayından “Milan”ın formasını geyinir. O, cari mövsümdə bütün turnirlərdə 26 oyuna çıxıb və 3 məhsuldar ötürmə ilə yadda qalıb. Futbolçunun İtaliya klubu ilə müqaviləsi 2027-ci ilin yayına qədər qüvvədədir.