Vlahoviç “Yuventus”la anlaşmasa, “Barselona”ya keçə bilər

Serbiyalı hücumçu Duşan Vlahoviç karyerasını “Barselona”da davam etdirə bilər.

Sport1.az xəbər verir ki, “Tuttosport”un yaydığı məlumata görə, 24 yaşlı forvard “Yuventus”la müqaviləni yeniləməyəcəyi təqdirdə Kataloniya klubuna keçməyə hazırdır.

Futbolçunun əsas prioriteti Turin təmsilçisi ilə əməkdaşlığı davam etdirməkdir. Lakin 2026-cı ilin yayında başa çatacaq sözləşmə uzadılmasa, Vlahoviç azad agent statusu ilə “Barselona”ya transfer variantını nəzərdən keçirir. Hücumçu yeni müqavilə şərtlərini müzakirə etmək üçün klub rəhbərliyi ilə görüş tələb edib.

Qeyd edək ki, cari mövsümdə Vlahoviç bütün turnirlərdə 17 oyuna çıxıb, 6 qol vurub və 2 məhsuldar ötürmə edib.