"Bizdə atmosfer həmişə yaxşı olub" - "Araz-Naxçıvan"ın futbolçusu

Misli Premyer Liqasının 21-ci turu çərçivəsində “Araz-Naxçıvan” doğma meydanda “Sumqayıt”ı məğlub etdi.

Qarşılaşmadan sonra ev sahiblərinin üzvü Slavik Alxasov Sport1.az-a açıqlama verərək qələbəni şərh etdi:

"Çətin və vacib oyun idi. Son üç qarşılaşmada cəmi 1 xal qazanmışdıq. Bu gün isə 3 xalı əldə etdik. Buna görə çox xoşbəxtəm".

Müdafiəçi qələbənin çempionatdakı çıxışlarına müabət təsir edəcəyini bildirdi:

"İnşallah dəyişəcək. Komandada yeni baş məşqçi var, yeni taktiki yanaşmalar tətbiq olunur. İlk növbədə buna uyğunlaşmaq lazımdır. Bizdə atmosfer hər zaman yaxşı olub. Amma yeni baş məşqçinin gəlişindən sonra uğursuzluq var idi. "Sumqayıt"la görüş də çətin idi. Son üç matçda cəmi 1 xal toplamışdıq, müəyyən stress var idi. Bu səbəbdən qazanılan 3 xal bizim üçün çox önəmlidir. Ümid edirəm ki, komandadakı ab-havanı daha da yüksəldəcək".

MƏHƏMMƏD HÜSEYNOV