Ruslan Voronsov: "Meydanda ciddi mübarizə getdi" - MÜSAHİBƏ

I Liqanın 14-cü turunda "Səbail" doğma meydanda "Şəfa"ilə qolsuz heç-heçə etdi - 0:0.

Qarşılaşmadan sonra “dənizçilər”in üzvü Ruslan Voronsov Sport1.az-ın suallarını cavablandırdı...

Həmin müsahibəni təqdim edirik... 

- Oyun haqqında düşüncələrin?

- Gərgin görüş oldu. Deyə bilərəm ki, hər iki tərəf üçün xal itkisi kimi qiymətləndirilə bilər. Komandalar qələbə qazanmaq istəyirdilər və. Meydanda ciddi mübarizə getdi.

- “Baku Sportinq” ilə xal fərqiniz 3-ə qalxdı. Bu barədə nə deyə bilərsən?

- Mövsümün sonuna hələ çox oyun var. Qarşıdakı matçlarda qələbələr qazanaraq azarkeşlərimizi sevindirmək istəyirik. Bunun üçün əlimizdən gələn hər şeyi edəcəyik.

- Oyun bir qədər gərgin keçdi...

- Hər iki komanda çempionluğa oynayır. Belə qarşılaşmalarda gərginliyin olması başa düşüləndir. Hər iki tərəf qalib gəlmək istəyirdi və bu da mübarizəyə təsir edirdi.

- Növbəti oyun da sizin üçün çətin olacaq.

- "Ordu" ilə qarşılaşacağıq. Rəqib yaxşı komandadır. Oyuna ciddi hazırlaşacağıq. İnşallah, qələbə ilə geri dönərik.

MƏHƏMMƏD HÜSEYNOV