“Qarabağ”ın daha 2 aparıcı üzvünə təkliflər var - ÖZƏL

"Qarabağ"ın UEFA Çempionlar Liqasındakı inamlı çıxışı fonunda komandanın futbolçuları digər klubların diqqətini çəkməkdə davam edir.

Sport1.az-a daxil olan məlumata görə, son Azərbaycan çempionunun iki aparıcı üzvünə transfer təklifləri var. Söhbət Kevin Medina və Leandro Andradedən gedir. Müraciət edən klubların adları hələlik açıqlanmır.

Kabo-Verde millisinin üzvü Leandro Andradenin transfer dəyəri 3 milyon avro qiymətləndirilir. Andrade cari mövsümdə 34 matça çıxıb, 9 qol vurub və 8 məhsuldar ötürmə ilə yadda qalıb.

Kolumbiyalı müdafiəçi Kevin Medinanın isə transfer dəyəri 450 min avrodur. O, bu mövsüm 24 oyunda meydana çıxıb və 1 dəfə fərqlənib.

NİHAT KƏRİMLİ