"Keyn və Levandovski vaxtilə van Basten kimi idilər"

Dennis Berqkamp müasir ideal hücumçular barədə fikirlərini bölüşüb.

Sport1.az xəbər verir ki, “Arsenal”ın sabiq hücumçusu "The Overlap" şousunda maraqlı fikirləri ilə yadda qalıb:

“Hazırda ideal hücumçular, vaxtilə Marko van Basten olduğu kimi, Harri Keyn və Robert Levandovskidir. Levandovski indi elə bir yaşdadır ki, hər şey həmişə alınmır, amma bu iki futbolçu fenomenal idi.

Benzema da var. Onun meydanda hərəkətləri üzərində gənc hücumçuları öyrədirdim. Bu inanılmaz idi. Gənclər komandalarında işlədiyim hücumçuların beyninə bunu yeritməyə çalışırdım, çünki onun sürətli qaçışları möhtəşəm idi."