Martins Junior :“Hər iki turnir bizim üçün önəmlidir” - AÇIQLAMA
Misli Premyer Liqasında 19-cu turu çərçivəsində "Sumqayıt" doğma meydanda "Zirə"yə məğlub oldu - 2:3.
Bakı təmsilçisinin üzvü Martins Junior Sport1.az-a açıqlama verdi. Oyun haqqında danışan vinger bunları dedi:
“Bu görüş bizim üçün çox vacib idi. Qalib gəlmək mütləq lazım idi. İndi isə öz meydanımızda oyunumuz var və növbəti matçda da "Karvan-Yevlax" üzərində qələbə qazanmağa çalışacağıq”.
"Sumqayıt"la 3-cü yer uğrunda mübarizədən danışan futbolçu mövzuyla bağlı bunları söylədi:
“Diqqətimiz növbəti oyunda olacaq. Lakin "Sumqayıt"dan əlavə "Turan-Tovuz" da bizim rəqibimizdir. Avrokuboklara vəsiqə qazanmaq istəyirik”.
Afrikalı Azərbaycan Kuboku haqqında suala belə cavab verdi:
“İstər kubok, istərsə də liqa oyunu olsun, biz hər ikisində daha yaxşı nəticə qazanmaq istəyirik. Bu turnirlər bizim üçün önəmlidir. Diqqətimizi həm kuboka, həm də liqaya yönəltmişik”.
MƏHƏMMƏD HÜSEYNOV
