"Barselona" Raşfordla bağlı qərarını verdi

"Barselona" ingiltərəli hücumçu Markus Raşfordla bağlı qərarını qətiləşdirib.

Sport1.az xəbər verir ki, Kataloniya nəhəngi onu heyətdə saxlayacaq. Klub idarəçiləri ətraflı analiz edərək onun komanda üçün son dərəcə faydalı və Hans-Diter Flikin ideologiyasına mükəmməl uyğun olduğu qənaətinə gəlib.

"Barselona"rəhbərliyi oyunçunu 30 milyon avroya almaq seçimini aktivləşdirəcək. İspaniya çempionatının lideri Markusa üç illik müqavilə və ona uyğun maaş təklif edəcək.

Xatırladaq ki, Raşford kataloniyalıların heyətində icarə əsasında çıxış edir. Onun transfer hüququ "Mançester Yunayted"ə məxsusdur.

28 yaşlı ingilis cari La Liqa mövsümündə 20 oyunda meydana çıxaraq 4 qol vurub və 6 assist edib.