Lamin Yamaldan gözlənilməz addım – FOTO

“Barselona”nın gənc futbolçusu Lamin Yamal sosial şəbəkələrdə gözlənilməz addımı ilə diqqət çəkib.

Sport1.az “Marca” nəşrinə istinadən xəbər verir ki, 18 yaşlı futbolçu “Instagram” hesabındakı bütün paylaşımları silib və ya arxivə göndərib. Bu addım qısa zamanda sosial mediada geniş müzakirələrə səbəb olub.

Məlumata görə, Yamalın qərarı hər hansı qalmaqal və ya texniki problem ilə əlaqəli deyil. Gənc oyunçu bütün diqqətini məşq prosesinə və oyunlara yönəltmək məqsədilə sosial şəbəkələrdən müvəqqəti uzaqlaşmağa üstünlük verib. O, virtual mühitdəki diqqət və təzyiqdən kənarda qalaraq psixoloji hazırlığını qorumağı planlaşdırır.

Qeyd edək ki, Lamin Yamal 2025-ci ildə sosial şəbəkələrdə ən sürətli izləyici artımı qeydə alan futbolçulardan biri olub. Gənc istedad bu göstəricidə Kriştiano Ronaldo və Lionel Messini geridə qoyaraq diqqət mərkəzinə düşmüşdü. Hazırda isə onun hesabında profil şəkli belə mövcud deyil.