“Mançester Siti”də Semenyo effekti: rekord təkrarlandı

Antuan Semenyo “Mançester Siti”də debüt dövrünə parlaq start verib.

Sport1.az xəbər verir ki, qanalı vinger Premyer Liqanın 24-cü turunda “Tottenhem”lə 2:2 hesablı heç-heçədə də fərqlənərək klub tarixində nadir göstəricilərdən birini təkrarlayıb.

26 yaşlı futbolçu “şəhərlilər”in heyətində artıq 4-cü dəfə adını tabloya yazdırıb. Bununla da o, Premyer Liqa dövründə “Siti” forması ilə ilk beş oyunundan dördündə qol sevinci yaşayan ikinci futbolçu olub. Bu göstəriciyə daha əvvəl yalnız Emmanuel Adebayor (2009) nail olmuşdu.

Qeyd edək ki, Semenyo yanvarın 9-da Mançester təmsilçisinə keçib.