Zinçenko “Ayaks”da – RƏSMİ

Ukrayna millisinin müdafiəçisi Aleksandr Zinçenkonun yeni klubu bəlli olub.

Sport1.az xəbər verir ki, futbolçu Niderlandın “Ayaks” klubuna transfer olunub. Amsterdam təmsilçisi bu keçidi sosial şəbəkə hesabında açıqlayıb. 

Zinçenko cari mövsümdə icarə əsasında “Nottingem Forest”də çıxış edib və 10 oyunda meydana çıxsa da, məhsuldar göstərici ilə yadda qalmayıb. O, daha əvvəl “Mançester Siti”, “Ufa” və PSV klublarının da formasını geyinib.

Qeyd edək ki, Aleksandr Zinçenko 2022-ci ildə “Arsenal”a transfer olunmuşdu və London klubunun heyətində bütün turnirlər üzrə 91 oyunda 3 qol vurub.