“Bazel”in “sükanı arxasına” tanınmış ad gətirildi

Ştefan Lixtştayner məşqçilik karyerasında yeni mərhələyə başlayıb.

Sport1.az xəbər verir ki, 42 yaşlı mütəxəssis İsveçrənin “Bazel” klubunun baş məşqçisi təyin olunub. Klubun mətbuat xidməti Lixtştaynerlə 2029-cu ilin yayına qədər müqavilə imzalandığını açıqlayıb.

Lixtştayner 2022–2024-cü illərdə “Bazel”in müxtəlif yaş qruplarından ibarət komandalarında çalışıb. Daha sonra isə “Vettsvil-Bonstetten”i çalışdırıb.

Qeyd edək ki, sabiq sağ cinah müdafiəçisi futbolçu karyerası ərzində “Yuventus”, “Arsenal”, “Qrasshopper”, “Lill”, “Latsio” və “Auqsburq”un formasını geyinib. Lixtştayner “Yuventus”la 7 dəfə İtaliya çempionu olub, 2005–2019-cu illərdə isə İsveçrə millisində çıxış edib.