“Yuventus”un yarımmüdafiəçisi üçün 4 namizəd: “Çelsi” də siyahıda

“Yuventus”un yarımmüdafiəçisi Duqlas Luisin gələcəyi ətrafında yeni iddialar yayılıb.

Sport1.az xəbər verir ki, jurnalist Nikolo Skira “X” sosial şəbəkəsində paylaşımında braziliyalı futbolçu ilə bir neçə klubun maraqlandığını yazıb. Hazırda “Nottingem Forest”də icarə əsasında çıxış edən 27 yaşlı oyunçu “Çelsi”, “Aston Villa”, “Ayaks” və “Vasko da Qama”nın diqqət mərkəzindədir.

Turin təmsilçisi yanvarda mümkün ayrılıq variantına yalnız tam transfer şərti ilə razıdır. “Yuventus”un tələbi “icarə + məcburi satınalma” modeli üzrə ümumilikdə 28,5 milyon avroluq paketdir.

Qeyd edək ki, Duqlas Luis cari mövsümdə İngiltərə çempionatında 8 matçda meydana çıxıb. O, Avropa Liqasında isə 4 görüşdə iştirak edib və 1 məhsuldar ötürmə ilə yadda qalıb.