Flik bu ayrılığı təsdiqlədi

“Barselona”nın baş məşqçisi Hansi Flik qapıçı Mark-Andre ter Ştegenin “Jirona”ya keçidini təsdiqləyib.

Sport1.az xəbər verir ki, alman mütəxəssis açıqlamasında 33 yaşlı qolkiperin bu gün səhər komandaya qərarını bildirdiyini deyib:

“Nə deyim, qərar verildi. Bu gün səhər Mark bizə dedi ki, “Jirona”ya keçir. O, fantastik qapıçıdır. Düşünürəm ki, bu, doğru qərardır, ona hər şeyin ən yaxşısını arzulayıram. O, möhtəşəm insandır. Dünya çempionatına düşmək üçün yaxşı şansları var”.

Qeyd edək ki, ter Ştegen cari mövsümdə İspaniya Kubokunda cəmi 1 matçda iştirak edib. Onun katalon təmsilçisi ilə müqaviləsi 2028-ci ilin yayına qədər qüvvədədir. Futbolçunun bazar dəyəri 7 milyon avro göstərilir.