Alonso Bundesliqaya qayıda bilər

“Real”dan ayrılan Xabi Alonso Bundesliqaya qayıda bilər.

Sport1.az xəbər verir ki, bu barədə Almaniyanın “Bild” nəşri məlumat yayıb. “Ayntraxt” klubu ispan mütəxəssisi baş məşqçi postu üçün namizədlər siyahısına daxil edib.

Frankfurt təmsilçisinin idman direktoru Markus Kroeşe Xabi Alonso ilə görüşərək mümkün əməkdaşlıq imkanlarını müzakirə etmək niyyətindədir. Bununla belə, təcrübəli mütəxəssis daha böyük klublardan təklif gözləmək üçün bu variantı dəyərləndirməyə tələsmir.

Qeyd edək ki, “Ayntraxt” “Qarabağ”ın UEFA Çempionlar Liqasının Liqa mərhələsindəki rəqiblərindən biridir. Komandalar yanvarın 21-də Bakıda, Tofiq Bəhramov adına Respublika stadionunda üz-üzə gələcəklər. Qarşılaşma saat 21:45-də başlayacaq.