Mourinyo “Real”a mümkün dönüşü barədə: “Məni seriallara çəkməyin”

“Benfika”nın baş məşqçisi Joze Mourinyo “Real”a qayıdışı ilə bağlı yayılan şayiələrə münasibət bildirib.

Sport1.az xəbər verir ki, portuqaliyalı mütəxəssis bu iddiaları istehzalı formada şərh edib:

“Məni seriallara çəkməyin. Yaxşı seriallar olur, amma çox uzanır: bir-iki seriyanı buraxırsan və artıq mövzunu itirirsən. Məni buna cəlb etməyin, çünki mən onları izləmirəm”.

Qeyd edək ki, daha əvvəl “Real” prezidentinin Joze Mourinyonu yenidən baş məşqçi postunda görmək istədiyi barədə xəbərlər yayılmışdı.

Xatırladaq ki, Mourinyo 2025-ci ilin sentyabrından “Benfika”nı çalışdırır. O, 2010–2013-cü illərdə “Real”da baş məşqçi olub və bu müddətdə İspaniya çempionluğu, ölkə kuboku və Super kuboku qazanıb.