“Ayaks”da İbrahimoviç müqayisəsi – FOTO

“Ayaks” klubunda Maksimilian İbrahimoviçin transferi onun atası Zlatan İbrahimoviçin vaxtilə Amsterdam təmsilçisinə keçidi ilə müqayisə olunub.

Sport1.az xəbər verir ki, Niderland təmsilçisi14 yanvar tarixində “Milan”a məxsus olan Maksimilian İbrahimoviçi icarəyə götürdüyünü açıqlayıb. Müqavilədə futbolçunun transfer hüququnun alınması bəndi də yer alır.

Gənc hücumçunun gəlişi “Ayaks” rəhbərliyində simvolik məna daşıyır. Klubda hesab edirlər ki, Maksimilianın yolu müəyyən mənada atasının karyera başlanğıcını xatırladır.

2025/26 mövsümündə Maksimilian İbrahimoviç “Milan”ın U-23 komandasında Seriya D-də 16 oyunda meydana çıxıb, 5 qol vurub və 4 məhsuldar ötürmə edib.

Xatırladaq ki, Zlatan İbrahimoviç 2001–2004-cü illərdə “Ayaks”ın formasını geyinib, 110 oyunda 48 qol vurduqdan sonra “Yuventus”a transfer olunmuşdu.