“Mançester Yunayted”in yeni baş məşqçisi bəlli oldu – RƏSMİ
“Mançester Yunayted” baş məşqçi postuna Maykl Karriki təyin edib.
Sport1.az xəbər verir ki, bu barədə klubun rəsmi saytı məlumat yayıb. 44 yaşlı mütəxəssis cari mövsümün sonuna qədər komandanı çalışdıracaq.
Yanvarın 5-də “Mançester Yunayted” portuqaliyalı mütəxəssis Ruben Amorimlə yollarını ayırmışdı. Amorim 2024-cü ilin noyabrından 2026-cı ilin yanvarınadək mankunianları çalışdırmışdı.
Qeyd edək ki, Maykl Karrik futbolçu kimi 2006–2018-ci illərdə “Mançester Yunayted”in formasını geyinib. O, bu müddətdə bütün turnirlərdə 464 oyunda iştirak edib, 24 qol və 35 məhsuldar ötürmə ilə yadda qalıb. Məşqçi karyerasında isə son olaraq “Midlsbro”ya rəhbərlik edib.
Hazırda İngiltərə Premyer Liqasında 21 turdan sonra “Mançester Yunayted” 32 xalla turnir cədvəlinin 7-ci pilləsində qərarlaşıb.
