Qurban Qurbanov Qarayevin yeni təyinatından danışdı

“Qarabağ”ın baş məşqçisi Qurban Qurbanov sabiq futbolçusu Qara Qarayevin Azərbaycanın U-21 millisində məşqçi heyətinə cəlb olunmasına münasibət bildirib.

Sport1.az xəbər verir ki, təcrübəli mütəxəssis jurnalistlərə açıqlamasında Qarayevin bu vəzifədə faydalı olacağına inandığını deyib:

“Qara Qarayev U-21 millimizə ancaq faydalı ola bilər. Başqa cür düşünməyə heç ehtiyac da yoxdur. Çünki məşqçiliyə tez başlaması gələcəkdə onun özünə, karyerasına daha faydalı ola bilər”.

Qeyd edək ki, Qara Qarayev hələ futbolçu karyerasını başa vurduğunu açıqlamayıb. Azərbaycan millisinin və “Qarabağ”ın sabiq üzvü U-21 yığmasında analitik vəzifəsinə təyin olunub. Onun son klubu isə bir neçə gün əvvəl ayrıldığı “Araz-Naxçıvan” olub.