İstefadan sonra Alonsodan duyğulu açıqlama

İspaniyalı mütəxəssis Xabi Alonso “Real”dan ayrıldıqdan sonra klubun azarkeşlərinə müraciət edib.

Sport1.az xəbər verir ki, istefası yanvarın 12-də rəsmən açıqlanan mütəxəssis sosial şəbəkə hesabında vida paylaşımı edib. Alonso bildirib ki, Madrid klubunda çalışmaq onun üçün böyük şərəf olub:

“Bu peşəkar mərhələ başa çatdı və hər şey istədiyimiz kimi alınmadı. “Real”ı çalışdırmaq mənim üçün həm şərəf, həm də böyük məsuliyyət idi. Kluba, futbolçulara və hər şeydən əvvəl azarkeşlərə — bütün madridistalara etimad və dəstəyə görə təşəkkür edirəm. Buradan hörmət, minnətdarlıq və əlimdən gələni etdiyimə görə qürur hissi ilə ayrılıram”.

Qeyd edək ki, Xabi Alonso bundan əvvəl Almaniyanın “Bayer” klubunda çalışıb və Leverkuzen təmsilçisi ilə Bundesliqa çempionu olub.