“Real” Alonsonu qovdu – SON DƏQİQƏ

“Real” Xabi Alonso ilə yollarını ayırıb.

Sport1.az xəbər verir ki, bu barədə klubun mətbuat xidməti məlumat yayıb. Madrid təmsilçisi ispan mütəxəssis ilə qarşılıqlı razılaşma əsasında əməkdaşlığa son verildiyini açıqlayıb.

Çalışdırıcı 1 iyun 2025-ci ildən etibarən komandaya rəhbərlik edirdi. Onunla bağlanan müqavilə 2028-ci ilin yayına qədər qüvvədə idi.

44 yaşlı mütəxəssisin rəhbərliyi altında “kral klubu” 34 oyun keçirib, 24 qələbə qazanıb, 4 dəfə heç-heçə edib və 6 məğlubiyyət alıb. Madrid təmsilçisi yanvarın 11-də İspaniya Super kubokunun finalında “Barselona”ya 2:3 hesabı ilə uduzmuşdu.

Hazırda La Liqada 19 turdan sonra “Real” 45 xalla turnir cədvəlinin ikinci pilləsində qərarlaşıb və lider “Barselona”dan 4 xal geri qalır.