İngiltərədə azarkeş oyun zamanı dünyasını dəyişdi

İngiltərə Kubokunun 3-cü mərhələsi çərçivəsində keçirilən oyunda faciəli hadisə baş verib.

Sport1.az xəbər verir ki, “Norviç”in “Uolsoll”u 5:1 hesabı ilə məğlub etdiyi qarşılaşma zamanı tribunada olan azarkeşlərdən biri dünyasını dəyişib. Oyun Norviç şəhərində yerləşən “Kerrou Roud” stadionunda baş tutub.

Klubun yaydığı rəsmi məlumata görə, azarkeşə dərhal tibbi yardım göstərilsə də, onun həyatını xilas etmək mümkün olmayıb. Hadisə ilə bağlı ailəsinə məlumat verilib və klub bu çətin zamanda onlara dəstək göstərəcəyini bildirib.

“Norviç” klubu həmçinin həkimlərə, təhlükəsizlik xidmətinə və yaxınlıqda olan azarkeşlərə göstərdikləri operativ köməyə görə təşəkkür edib.