“Xabi Alonso özünü xilas etdi”

İspaniyalı jurnalist Manolo Lama Super kubokun finalından sonra “Real”ın baş məşqçisi Xabi Alonso barədə fikirlərini bölüşüb.

Sport1.az xəbər verir ki, “Mundo Deportivo” nəşrinə açıqlama verən Lama “Barselona”ya 2:3 hesablı məğlubiyyətdən sonra əsas qazanan tərəfin məhz Xabi Alonso olduğunu deyib.

Jurnalistin sözlərinə görə, final oyunu baş məşqçi üçün kritik əhəmiyyət daşıyırdı: “Bu oyunda sevinə biləcək yeganə adam Xabi Alonsodur, çünki onun işi risk altında idi. Hamı düşünürdü ki, bəs “Barselona” onları darmadağın etsə nə olacaq? O, mövsümün sonuna qədər yerini qorudu. “Real” uduzubsa, buna sevinmək olmaz. Mən heç vaxt böyük klubların məğlubiyyətdən sonra rahat görünməsini başa düşməmişəm”.

Qeyd edək ki, İspaniya Super kubokunun finalında “Barselona” “Real”ı 3:2 hesabı ilə məğlub edərək turnirin qalibi olub.