“Barselona” Super Kubok finalında “Real”ı məğlub etdi

İspaniya Super kubokunun 2026-cı il finalında “Barselona” “Real”ı məğlub edib.

Sport1.az xəbər verir ki, Səudiyyə Ərəbistanının Ciddə şəhərində yerləşən “Kral Abdulla Sports City” kompleksində keçirilən qarşılaşma kataloniyalıların 3:2 hesablı qələbəsi ilə yekunlaşıb.

“Barselona”nın heyətində Rafinya dubla imza atıb, digər qolu isə Robert Levandovski vurub. Madrid təmsilçisində Vinisius və Qonsalo Qarsiya fərqlənib. Qarsiya eyni zamanda məhsuldar ötürmə ilə də yadda qalıb.

Görüşün son dəqiqələrində katalon klubu azlıqda qalıb. Matçın 90+1-ci dəqiqəsində Frenki de Yonq təhlükəli oyuna görə birbaşa qırmızı vərəqə alıb.

Bu qələbə ilə “Barselona” Super kuboku ardıcıl ikinci dəfə, ümumilikdə isə 16-cı dəfə qazanıb. Katalon klubu bu göstərici ilə turnirin rekordçusudur. “Real” isə 13 titulla ikinci pillədə qərarlaşıb.