“Düşünürdüm ki, artıq “Barselona”da oynamayacağam”

“Barselona”nın yarımmüdafiəçisi Fermin Lopes karyerasının ilk illərində yaşadığı çətinliklərdən danışıb.

Sport1.az xəbər verir ki, gənc futbolçu açıqlamasında üçüncü İspaniya 3-cü divizionunda çıxış edən “Linares”ə icarəyə göndərildiyi dövrü xatırladıb. Lopes həmin vaxt “Barselona”ya qayıtmaq şansının qalmadığını düşündüyünü etiraf edib.

“Linares”də oynayarkən “Barselona” qapısının mənim üçün bağlandığını sanırdım. Amma orada həm futbolçu, həm də insan kimi çox inkişaf etdim. Geri qayıdanda isə bütün gücümü hazırlıq mərhələsinə verdim və əsas komandada qala bildim”, – deyə Lopes bildirib.

Qeyd edək ki, Fermin Lopes bu mövsüm bütün turnirlərdə “Barselona”nın heyətində 20 oyuna çıxıb, 8 qol vurub və 8 məhsuldar ötürmə ilə yadda qalıb.