“Mançester Yunayted” üçün arzuolunmaz rekord – Gənc müdafiəçi tarixə düşdü

“Mançester Yunayted”in müdafiəçisi Eydən Heven antirekordla tarixə düşüb.

Sport1.az xəbər verir ki, 21-ci turda “Börnli” ilə keçirilən oyunda (2:2) öz qapısına qol vuran gənc futbolçu klub tarixində Premyer Liqada avtoqol müəllifi olan ən gənc oyunçu olub.

Heven topu öz qapısına 19 yaş 107 günlük olarkən göndərib. Müdafiəçi cari mövsümdə “Mançester Yunayted”in heyətində 11 oyunda meydana çıxıb və 1 məhsuldar ötürmə ilə yadda qalıb.

Qeyd edək ki, hazırda “qırmızı şeytanlar” Premyer Liqada 32 xalla 7-ci pillədə qərarlaşıb. Komanda növbəti turda, yanvarın 17-də “Mançester Siti” ilə üz-üzə gələcək.