İspaniya Superkubokunun vaxtı dəyişdirilə bilər

İspaniya Superkubokunun keçirilmə tarixində dəyişiklik planlaşdırılır.

Sport1.az xəbər verir ki, bu barədə “Marca” nəşri məlumat yayıb. İspaniya Kral Futbol Federasiyası Superkubokun 2027-ci ildən etibarən yanvar yox, fevralın ilk həftəsində keçirilməsi üzərində işləyir.

Bu qərar yarışda iştirak edən klublarla aparılan müzakirələrdən sonra gündəmə gəlib. Hazırda Superkubokun Milad və Yeni il bayramlarına təsadüf etməsi federasiya və klublar üçün əlavə çətinlik yaradır.

Xəbərdə qeyd olunur ki, 2027-ci ildə turnirin Qətərdə keçirilməsi daha real variant sayılır. Bununla yanaşı, Səudiyyə Ərəbistanı da Superkubokun təşkilatçılığı ilə bağlı mövcud razılaşmanı uzatmaq niyyətindədir.