“Çelsi” yeni baş məşqçisini açıqladı – RƏSMİ
“Çelsi”nin yeni baş məşqçisi müəyyənləşib.
Sport1.az xəbər verir ki, London klubu Liam Rosenyoru baş məşqçi vəzifəsinə təyin edib. İngiltərə təmsilçisinin mətbuat xidmətinin yaydığı məlumata görə, 41 yaşlı mütəxəssislə 2032-ci ilin yayına qədər qüvvədə olacaq uzunmüddətli müqavilə imzalanıb.
Qeyd edək ki, Liam Rosenyor 2024-cü ilin yayından Fransanın “Strasburq” klubunu çalışdırırdı. Onun rəhbərliyi altında komanda 2025/26 mövsümündə Konfrans Liqasının qrup mərhələsini qalib kimi başa vurub və hazırda Liqa 1-də 7-ci pillədə qərarlaşıb. Mütəxəssis daha əvvəl “Hall Siti”nin də baş məşqçisi olub.
Xatırladaq ki, yanvarın 1-də “Çelsi” Enzo Mareska ilə yollarını ayırmışdı. London klubu hazırda İngiltərə Premyer Liqasında 20 turdan sonra 31 xalla 5-ci yerdə qərarlaşıb.
