“Mançester Yunayted” Amorimi qovdu – RƏSMİ
“Mançester Yunayted” Ruben Amorimlə yollarını ayırıb.
Sport1.az xəbər verir ki, İngiltərə klubunun mətbuat xidməti portuqaliyalı mütəxəssisin baş məşqçi vəzifəsindən uzaqlaşdırıldığını açıqlayıb. Ruben Amorim “Mançester Yunayted”də fəaliyyətə 2024-cü ilin noyabrında başlamışdı. O, daha əvvəl Lissabon “Sportinq”ini çalışdırıb və bu komanda ilə Portuqaliya çempionluğunu qazanmışdı.
Hazırda Premyer Liqada 20 turdan sonra 31 xal toplayan “qırmızı şeytanlar” turnir cədvəlinin 5-ci pilləsində qərarlaşıb. Komanda lider “Arsenal”dan 17 xal geri qalır.
Məlumata görə, Amorimin gedişindən sonra “Mançester Yunayted”in əsas komandasına müvəqqəti olaraq Darren Fletçer rəhbərlik edəcək. Klubun növbəti oyunu Premyer Liqa çərçivəsində səfərdə “Bernli”yə qarşı olacaq.
