Qvardiolanın futboldan kənarda ilk addım nə olacaq? - ÖZÜ AÇIQLADI

“Mançester Siti”nin baş məşqçisi Xosep Qvardiola məşqçilik karyerasını bitirdikdən sonrakı planlarından danışıb.

Sport1.az xəbər verir ki, ispan mütəxəssis Sky Sports-a açıqlamasında bildirib:

“Yemək bişirməyə başlamaq istəyirəm. Restoran açmaq fikrim yoxdur. Fransız dilini öyrənmək, övladlarıma və ailəmə daha çox vaxt ayırmaq, səyahət etmək, konsertlərə və sərgilərə getmək, bəzən isə sadəcə evdə oturmaq – bunların hamısını etmək istəyirəm. Həyatımda hələ görmədiyim, getmədiyim minlərlə yer var və bunların hamısını görmək arzusundayam”.

Qeyd edək ki, Premyer Liqanın XI turunda keçiriləcək “Mançester Siti” – “Liverpul” oyunu Qvardiolanın məşqçilik karyerasındakı 1000-ci qarşılaşma olacaq.