Premyer Liqa klubunun prezidenti söz verdi: Bunu bacarın, 15 min alın

Premyer Liqa yekunlaşmaq üzrədir.

“Karvan-Yevlax” sabah çox vacib matça çıxacaq. Komanda “Turan Tovuz”la oyunda xal itirəcəyi təqdirdə elitadan düşməsi rəsmiləşəcək. Bu səbəbdən klub rəhbərliyi futbolçuları motivasiya etmək üçün xüsusi addım atıb.

Sport1.az saytının əldə etdiyi məlumata görə, Yevlax təmsilçisinin prezidenti Şahmar Vəliyev komandaya Premyer Liqada qalacaqları təqdirdə, hər futbolçuya 15 min manat mükafat veriləcəyini açıqlayıb.

Rəhbərlik bu qərarla komandanın son turlarda daha böyük əzmkarlıq və mübarizə nümayiş etdirəcəyinə ümid edir.

Qeyd edək ki, “Karvan-Yevlax” hazırda 14 xalla turnir cədvəlinin sonuncu — 12-ci pilləsində qərarlaşıb. Komandanı qarşıda “Turan Tovuz”, “Qəbələ” və “İmişli” ilə vacib qarşılaşmalar gözləyir.