Tanınmış futbolçu evində silahlı soyğunçuluğa məruz qaldı

Polşa millisinin və “Portu”nun müdafiəçisi Yan Bednarek Portuqaliyada soyğunçuluğa məruz qalıb.

Sport1.az “Record”-a istinadən xəbər verir ki, hadisə dünən axşam saatlarında futbolçunun ailəsi ilə birlikdə Portudakı evinə qayıtdığı zaman baş verib.

Belə ki, 30 yaşlı müdafiəçi evə daxil olan zaman onlar bıçaqla silahlanmış oğrularla üzləşiblər. Həmin şəxs Polşa millisinin üzvünü təhdid edərək evdən təxminən 150 min avro dəyərində zinət əşyaları və qiymətli əşyalar aparıb.

Dərhal polis çağırılıb və hadisə yerinə baxış keçirilib. Güclü şoka düşmələrinə baxmayaraq, Bednarek və ailə üzvləri xəsarət almayıb.

Qeyd edək ki, Yan Bednarek ötən yaydan “Portu”da çıxış edir. O, bu müddətdə 48 oyunda 4 qol vuraraq Portuqaliya çempionu olub.