“Neftçi”yə pis xəbər: Bu futbolçuya yeni taliblər çıxdı

Polşanın “Yagelloniya” klubunda çıxış edən Afimiko Pululunun karyerasını “Neftçi”də davam etdirməsi sual altına düşüb.

Sport1.az Yunanıstan mediasına istinadən məlumat verir ki, anqolalı hücumçuya bu ölkənin bir neçə təmsilçisi maraq göstərir. Yayda sərbəst oyunçu statusu qazanacaq 27 yaşlı forvardın xidmətində “Neftçi” ilə yanaşı, yunan klubları da maraqlıdır.

Bildirilir ki, futbolçunun əsas istəyi legioner həyatı yaşamağa davam etmək və avrokuboklarda mübarizə aparmaqdır. Bu səbəbdən onun seçimində Yunanıstan variantı ön plana çıxa bilər.

Xatırladaq ki, “Bazel”in yetirməsi olan Afimiko Pululu 2023-cü ildən “Yagelloniya”nın şərəfini qoruyur.